၁၆နှစ်သားနဲ့စကားပြောခြင်း

၁

သား .....
ကျွန်တော့စကား
မမှားမှန်း သူသိတယ် ။
သူနားမထောင်ချင်ဘူး

ကျွန်တော့်စကားဟာ
ခေတ်တရားနဲ့ မညီ
ပဝေဏီက ပေါရာဏစကားလို
နားမချိုစရာ ဖြစ်မိတယ် ။

၂

သား
ကျွန်တော့်စကား
ပျားသကာလိုချိုပြီး
စေတနာပိုမှန်း သူသိတယ် ။
ဒါပေမယ့်
သူ့ နားမ၀င်ဘူး ။
ကျွန်တော့်စကားနဲ့ သူ့နား
ခေတ်တွေခြားခဲ့ပြီ ။
သူ့ခေတ် သူ့အကြောင်း နဲ့
ကျွန်တော့်ခေတ်စကားဟောင်း
နားပြောင်းပြန် ဖြစ်နေတယ် ။

၃

သား
ကျွန်တော့်စကား
အဆင်တန်ဆာ များတယ်လို့ ထင်တယ် ။
စကားတန်ဆာ နားတန်ဆာဆိုတာ
ခါးတမာ ပါပဲ ။

မေတ္တာအပြုံး ဆေးဟာ
ခေတ်နဲ့ကွာတဲ့ အရှုံးပေးမှုပါပဲ
သား အရှုံးမပေးနိူင်ဘူး။
နှလုံးမအေးနိုင်ဘူး ။
အမုန်းသွေး ကြွနေတယ် ။
သားဟာ ဆူပါမင်း
သားဟာ ရမ်ဘို
သားဟာ ............ ။

၎

ယဉ်ကျေးပျုငှာမှုတွေဟာ
အလိမ်အတုတွေပါပဲ
စကားလုံးဝါကျတွေဟာ
ဟန်ဆောင်မှုတွေပဲ ။
ဖေဖေတို့ လူကြီးတွေဟာ
လိမ်တယ်, ကောက်တယ် ။
အခွင့်အရေး တစ်မူးတပဲကို
ဘိန်းဖြူစွဲသလို စွဲနေတယ် ။
သားလူကြီးတွေနဲ့ မနေချင်ဘူး ။
သား သိုင်းသမားတွေနဲ့ နေမယ် ။
သေနတ်သမားတွေနဲ့ နေမယ် ။
တန်ခိုးရှင်တွေနဲ့ နေမယ် ။
သူရဲကောင်းတွေနဲ့ နေမယ်
သား စကားမပြောချင်ဘူး ။
ဖေဖေဟာ သားကို ချစ်မှန်းသိပါတယ်
သားကို ချစ်သလောက်
တရားကိုကော ချစ်ပါသလား ။

၅

အလို ဗုဒ္ဓေါ
မလွယ်ကြောပါလား ။

တင်မိုး
၂၅ ၊ ၃ ၊ ၇၇