ဇေယျာလင်းအရေးအသားလို မိန်းမ - အောင်ရင်ငြိမ်း

အနေအထိုင်မတတ်သူ
စာရွက်လှန်လိုက်မိတာက ငါ့အမှား
အဓိပ္ပါယ်ရွဲ့စောင်းလို့

ဝမရှိပဲဝိလုပ်ချင်တဲ့ရုပ်တု
မင်းဟာ ... ငါမကြိုက်တော့တဲ့ ကဗျာ
ငါမကိုးကွယ်နိုင်တဲ့ဘာသာရေး
ရှင်ပြောတော့ ကျွန်မကရှင်မဖွဲ့နွဲ့နိုင်တဲ့ သင်္ကေတဆို

ငါ
ဆွဲဆောင့်လိုက်ရရင်ပွင့်ထွက်သွားတော့မယ်
ပြောင်းလဲခြင်းဟာအမှန်တရား
အနိစ္စကိုစာလုံးမှန်အောင်မပေါင်းတတ်ပဲ
နထ္ထိဝါဒအကြောင်းလာမပြောနဲ့
အချစ်မရှိဘူးဆိုရင်ကျွန်မသတ်သေလိုက်တော့မယ်

ဘာလဲ
မင်းကဆီလီယာပလာသ့်မို့လို့လား
အနုပညာနဲ့အတင်းပြောတာ
လှပတဲ့အောက်တန်းကျမှုပဲ

ရော့ခ်.....ရော့ခ်
ရှင်ကျွန်မကိုစိတ်ဆင်းရဲအောင်မလုပ်နဲ့

ရော့ခ်.....ရော့ခ်
အစွယ်အဖွေးသားနဲ့
မြွေဟောက်လိုမိန်းမ
မင်းလေသံကို ကီးချိန်းစမ်း
မင်းလျှာကို ခေါက်ထားစမ်း
ကျွန်မတို့ရင်ကြားစေ့လို့မရနိုင်တော့ဘူးလား

မိတ္တဗလ ဋီကာစာသားတွေ
လူမှုဆက်ဆံရေးသင်တန်းမှာသွားပြော
ငွေကြေး လိင် နဲ့ ဂုဏ်ဒြပ်
မိန်းမတွေအလိုရှိတာ ဒါပဲမဟုတ်လား
အမှန်တရားမို့ နားခါးမယ်

ငါ့ကို
အဲ့ဒီ မြွေမျက်လုံးမျိူး နဲ့ မကြည့်နဲ့
ကိုယ့် အဓိပ္ပါယ် နဲ့ ကိုယ်နေ
အဖြစ်မှန်ကိုမြင်အောင်ကြည့်
အိမ်ထောင်ရေးဆိုတာ
လူနှစ်ယောက်အပြန်အလှန်စစ်ကြေငြာခြင်းပဲ
အချစ်ဆိုတာ
ယာယီ အပစ်အခတ်ရပ်စဲထားခြင်းပဲ
ငါဟာ
ပေါက်ကွဲဖို့အသင့်ဖြစ်နေတဲ့
ဗုံးတစ်လုံး
ရက်စ်အော်နိုး
ဒူးအော်ဒိုင်း
ဗို့အား ၆၆၀၀
သတိ အန္တရယ်
သေတတ်တယ်။

အောင်ရင်ငြိမ်း